ვერც ერთი მცენარე ვერ შეედრება ასკილს სასარგებლო თვისებებით.ის ვიტამინების განძია და ხალხური სიბრძნის თანახმად შვიდ ექიმს უდრის. რამოდენიმე საუკუნის წინ ასკილს ბევრი დაავადების პროფილაქტიკისთვის და სამკურნალოდ იყენებდნენ.
ასკილის ნაყოფში ვიტამინი C ათჯერ მეტია ვიდრე შავ მოცხარში, 50-ჯერ მეტია ვიდრე ლიმონში და 100-ჯერ მეტია ვიდრე ვაშლში. ამ ვიტამინის გარდა ასკილის ფოთლები და ყავილები შეიცავენ B ჯგუფის, K, P ვიტამინებს და კაროტინს. ასკილის ნაყოფი მდიდარია ადამიანისთვის აუცილებელი ორგანული მჟავებით, ეთერ-ზეთებით, მიკროელემენტებით და სხვა ნივთიერებებით. მედიცინა თვლის, რომ ასკილს გააჩნია ნაღველმდენი, ანთების საწინააღმდეგო, შარდმდენი, გამაჯანსაღებელი და სკლეროზის საწინააღმდეგო თვისებები. ქალბატონებისთვის სასიამოვნო ბონუსი - ასკილი ნივთიერებათა ცვლასაც აჩქარებს. მისი ნაყოფის წვენი და ნაყენი გამოიყენება ორგანიზმის გამოფიტვის და ანემიის სამკურნალოდ, ინფექციების, გასტრიტის(დაბალი მჟავიანობით), ათეროსკლეროზის, ჰიპერთონიის დროს - ასკილის მიღების წინ აუცილებელია ექიმთან კონსულტაციის გავლა.
ასკილის ნაყენი და ჩაი სასარგბელოა სრულიად ჯანმრთელი ადამიანებისთვისაც, რადგანაც ის მატებს ორგანიზმს მდგრადობას და ბრძოლისუნარიანობას ინფექციური დაავადებების წინააღმდეგ, რაც განსაკუთრებით აქტუალურია შემოდგომა/ზამთრის პერიოდში.
იყავით ჯანმრთელები!
No comments:
Post a Comment